Misirdəki Azərbaycan icması iftar süfrəsində bir araya gəlib

Misirdəki Azərbaycan icması iftar süfrəsində bir araya gəlib

GÜNCEL 
Abdullah Yiğit , , , , , , , , , , , , , , , , , , , , ,

Misirdəki Azərbaycan icması iftar süfrəsində bir araya gəlib

2024

 

 

 

 

Misirdəki Azərbaycan icması iftar süfrəsində bir araya gəlib

Misir-Azərbaycan Dostluq Cəmiyyətinin təşkilatçılığı ilə bu ölkədə yaşayan və təhsil alan azərbaycanlılar, həmçinin onların ailə üzvləri, Dostluq Cəmiyyətinin təsisçiləri və Azərbaycanın Misirdəki səfirliyinin əməkdaşları müqəddəs Ramazan ayında iftar süfrəsi arxasına toplaşıblar.

Tədbir iştirakçılarını salamlayan Misir-Azərbaycan Dostluq Cəmiyyəti və Misirdə Azərbaycan Diasporunun sədri, tədqiqatçı-alim Seymur Nəsirov son illər ölkələrimiz arasında əlaqələrin sürətli inkişafından, Azərbaycan diasporunun, eyni zamanda Misir-Azərbaycan Dostluq Cəmiyyətinin fəaliyyətindən bəhs edib.

Azərbaycanın Misirdəki fövqəladə və səlahiyyətli səfiri Elxan Poluxov bildirib ki, Ramazan adət-ənənələri sovet repressiyalarına baxmayaraq, xalqımız tərəfindən qorunub saxlanılıb. O qeyd edib ki, müstəqil Azərbaycan bütün dünyada multikulturalizm və tolerantlıq modeli kimi tanınır, ölkədə yaşayan bütün xalqlar və dini konfessiyalara hörmətlə yanaşılır. Ulu öndər Heydər Əliyev və onun layiqli davamçısı Prezident İlham Əliyevin apardığı siyasət nəticəsində ölkəmiz dini və etnik əmin-amanlıq məkanına çevrilib. Diasporumuzun keçirdiyi tədbirlərdə ölkəmizə dost münasibəti bəsləyən yerli ictimaiyyətin nümayəndələrinin də iştirak etməsini təqdirəlayiq hal kimi dəyərləndirən diplomat Azərbaycanın dostlarının Misirdə ölkəmizin təbliğ edilməsində böyük rol oynadıqlarını bildirib.

Tədbirdə çıxış edən qonaqlar Misir-Azərbaycan Dostluq Cəmiyyətinin fəaliyyətini yüksək qiymətləndirib, Azərbaycan diasporunun iki xalq arasında münasibətlərin inkişafına böyük töhfələr verdiyini nəzərə çatdırıblar.

Qeyd edək ki, hazırda Misir-Azərbaycan Dostluq Cəmiyyətinin nəzdindəki kurslarda Azərbaycan dili ilə yanaşı, müxtəlif fənlər üzrə 57 ölkədən 600-dən çox gənc ödənişsiz təhsil alır.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/misirdeki-azerbaycan-icmasi-iftar-sufresinde-bir-araya-gelib-4489

Related posts