Жаңалықтар
Нұр-Сұлтан, Қазақстан
Қасым-Жомарт Тоқаев Ботаникалық бақта көшет отырғызды
2022 жылғы 23 сәуір
Бүгін Мемлекет басшысы «Бірге – таза Қазақстан» республикалық экологиялық акциясының аясында Ботаникалық бақта көшет отырғызып, қалалық сенбілікке қатысты.
Іс-шараға Президент Әкімшілігінің басшысы Мұрат Нұртілеу, Экология, геология және табиғи ресурстар министрі Серікқали Брекешев, Нұр-Сұлтан қаласының әкімі Алтай Көлгінов, эко-волонтерлер, сондай-ақ, Президенттік жастар кадрлық резервінің мүшелері қатысты.
Сенбілік барысында Президент эковолонтерлермен және жастар кадрлық резервінің мүшелерімен әңгімелесті. Қасым-Жомарт Тоқаев табиғатқа, жалпы экологияға ұқыпты қараудың маңыздылығы туралы айтты.
Мемлекет басшысы Қазақстан болашақта жасыл елге айналуы керек деп санайды. «Тал дегеніміз – қасиетті ұғым. Біз тал-теректерді, табиғатты қорғауымыз керек», – деді Президент.
– Баршаңызға алғыс айтамын. Сіздер Қазақстанның болашағысыздар. Жаңа Қазақстанды ел болып, ұлт болып, мемлекет болып, бәріміз бірге құруға кірісуіміз қажет. Аманшылық болса, Екінші республиканы өркендетеміз. Жалпы келешегіміз жақсы, айқын, жарқын болатынына ешқандай күмәнім жоқ. Мемлекетіміздің болашағы жастардың қолында. Мен сіздерге сенемін, – деді Қасым-Жомарт Тоқаев.
Еріктілер мен Президенттік жастар кадрлық резервінің мүшелері экологиялық мәселелер мен бастамаларға үнемі қолдау білдіретіні үшін Мемлекет басшысына алғыс айтты.
Акцияға қатысқандар 15 түп жөке және 35 түп емен көшетін екті.
Кері қайту Кері қайту
kaynak:https://www.akorda.kz/kz/kasym-zhomart-tokaev-botanikalyk-bakta-koshet-otyrgyzdy-233026
🌳 Касым-Жомарт Токаев посадил дерево в Ботаническом саду
Сегодня в рамках общереспубликанской экологической акции «Бiрге – таза Қазақстан» Глава государства принял участие в общегородском субботнике и посадке деревьев в Ботаническом саду.
Подробнее: https://t.co/pcAdeVLDHM pic.twitter.com/mOIvkLtKfT
— President Kassym-Jomart Tokayev's Press Office (@aqorda_press) April 23, 2022
🌳 Қасым-Жомарт Тоқаев Ботаникалық бақта көшет отырғызды
Бүгін Мемлекет басшысы «Бірге – таза Қазақстан» республикалық экологиялық акциясының аясында Ботаникалық бақта көшет отырғызып, қалалық сенбілікке қатысты.
Толығырақ: https://t.co/0DLz9t18u9 pic.twitter.com/aO05fyP8BB
— President Kassym-Jomart Tokayev's Press Office (@aqorda_press) April 23, 2022