Жаңалықтар
Ақорда
Мемлекет басшысы еліміздегі су тасқынына байланысты шұғыл кеңес өткізді
2024 жылғы
Мемлекет басшысы еліміздегі су тасқынына байланысты шұғыл кеңес өткіздіhttps://t.co/Wvs0w7PNg1
****
Глава государства провел оперативное совещание по паводковой ситуации в странеhttps://t.co/Kb4mWigx5b pic.twitter.com/7JKVYBTHI0— President Kassym-Jomart Tokayev's Press Office (@aqorda_press) March 30, 2024
Президент Қасым-Жомарт Тоқаев еліміздің бірқатар өңірінде болған су тасқыны салдарынан туындаған төтенше жағдайға байланысты шұғыл кеңес өткізді.
Жиынға Премьер-Министр Олжас Бектенов, Үкімет мүшелері, Президент Әкімшілігінің басшылығы және басқа да лауазымды тұлғалар қатысты.
Мемлекет басшысына аймақтардағы қазіргі қалыптасқан ахуал туралы, атап айтқанда, адамдарды құтқару және су тасқынының салдарын жою үшін қабылданып жатқан шаралар жөнінде баяндалды.
Президент Үкімет пен әкімдердің жұмысын немқұрайлы және кәсіби міндетіне сәйкес келмейді деп сынға алды. Оның айтуынша, Үкімет пен жергілікті атқарушы органдардың арасында жүйелі байланыс болмаған. Қасым-Жомарт Тоқаев зардап шеккен өңірлер тұрғындарына үлкен көлемде шығын келуіне байланысты өкініш білдірді. Мемлекет басшысы қалыптасқан жағдайға байланысты кешірім сұрап, барлық азаматқа көмек көрсетілетінін айтты.
Жиын барысында Президент су тасқынына қарсы уақытылы шара қабылдамағаны үшін Премьер-Министрдің бірінші орынбасары Роман Склярға, Су ресурстары және ирригация министрі Нұржан Нұржігітовке қатаң сөгіс, Ақтөбе, Қостанай, Батыс Қазақстан облыстарының әкімдеріне қызметтік міндеттеріне толық сай келмеуіне байланысты ескерту берді. Ал Атырау, Ақмола, Алматы, Павлодар және Абай облыстарының әкімдеріне қатаң сөгіс жарияланды.
Президент жағдайды қалыпқа келтіру үшін шұғыл шаралар қабылдаумен қатар жүйелі жұмыс қажет екенін атап өтті.
Сонымен қатар Премьер-Министрдің төрағалығымен Республикалық штаб құру, сондай-ақ барлық өңірде су тасқынына қарсы жұмыстарды күшейту, ең бастысы, азаматтардың қауіпсіздігін қамтамасыз ету жөнінде тапсырма берілді.
Мемлекеттік құрылымдарға табиғат апаты салдарынан болған шығын көлемін анықтау және алдағы уақытта осындай апаттардың алдын алу үшін кешенді шаралар қабылдау міндеті жүктелді.
Кері қайту Кері қайту
Kaynak:https://www.akorda.kz/kz/memleket-basshysy-elimizdegi-su-taskynyna-baylanysty-shugyl-kenes-otkizdi-302188
Мемлекет басшысы еліміздегі су тасқынына байланысты шұғыл кеңес өткіздіhttps://t.co/Wvs0w7PNg1
****
Глава государства провел оперативное совещание по паводковой ситуации в странеhttps://t.co/Kb4mWigx5b pic.twitter.com/7JKVYBTHI0— President Kassym-Jomart Tokayev's Press Office (@aqorda_press) March 30, 2024