Глава государства принял акимов Астаны и Карагандинской областиhttps://t.co/6PDxr77R7T pic.twitter.com/fn5maVljVn
— President Kassym-Jomart Tokayev's Press Office (@aqorda_press) December 13, 2022
Жаңалықтар
Ақорда
Мемлекет басшысы Астана қаласының және Қарағанды облысының әкімдерін қабылдады
2022 жылғы
Президентке Астана қаласының әкімі Жеңіс Қасымбек елорданың әлеуметтік-экономикалық және инфрақұрылымдық дамуы туралы есеп берді.
Мемлекет басшысына сорғы-сүзгі стансасы (ССС-3), газбен жылыту стансалары, жылу электр орталығы секілді қаланың тыныс-тіршілігін қамтамасыз ететін нысандардың құрылысы жөнінде баяндалды. Аталған нысандардың құрылысы 2023 жылы аяқталады деп жоспарланып отыр.
Сонымен қатар Президентке елорданы газбен қамту ісінің барысы, ұзаққа созылған құрылыс жұмыстарының аяқталуы, әлеуметтік нысандардың құрылысы, тұрғын үй алаптарын дамыту, шағын және орта бизнесті қолдау, инвестиция тарту бойынша ақпарат берілді.
Қасым-Жомарт Тоқаев қала әкіміне жылу беру маусымының барысын бақылауда ұстауға, елорданы одан әрі өркендетуге қатысты бірқатар тапсырма берді.
Сондай-ақ Президент Қарағанды облысының әкімі Ермағанбет Бөлекпаевты қабылдады. Ол Мемлекет басшысына аймақтың биылғы 11 айдағы негізгі әлеуметтік-экономикалық көрсеткіштері жөнінде есеп берді.
Мемлекет басшысына өнеркәсіп және ауыл шаруашылығы өндірісінің қарқыны туралы баяндалды. Облыс әкімінің мәліметінше, өнеркәсіптің барлық саласында оң үрдіс байқалады. Атап айтқанда, бұл сала 6 пайызға өскен.
Кездесу барысында аймақтың тұрғын үй-коммуналдық шаруашылығының, оның ішінде жылу және сумен қамтамасыз ету жүйесінің жағдайына айрықша назар аударылды.
Кездесу соңында Қасым-Жомарт Тоқаев облысты одан әрі дамыту және халықтың әл-ауқатын арттыру жұмыстарын жалғастыруды тапсырды.
Кері қайту Кері қайту
kaynak:https://www.akorda.kz/kz/memleket-basshysy-astana-kalasynyn-zhane-karagandy-oblysynyn-akimderin-kabyldady-13111652
Глава государства принял акимов Астаны и Карагандинской областиhttps://t.co/6PDxr77R7T pic.twitter.com/fn5maVljVn
— President Kassym-Jomart Tokayev's Press Office (@aqorda_press) December 13, 2022
