Жаңалықтар
Ақорда
Мемлекет басшысы «АрселорМиттал» компаниясының басқарма төрағасы – бас атқарушы директоры Лакшми Митталмен кездесу өткізді
2022 жылғы 22 ақпан
Бейнебайланыс режимінде өткен кездесуде Қасым-Жомарт Тоқаев пен Лакшми Миттал «АрселорМиттал Теміртау» компаниясының жұмысына қатысты бірқатар өзекті мәселені талқылады.
Президентке компанияның инвестициялық бағдарламасы және өндірісті ұлғайту, өнімнің жаңа түрлерін шығару, сондай-ақ Қазақстанмен алдағы уақыттағы серіктестік аясында әлеуметтік міндеттемелерді орындау жөніндегі жоспары туралы мәлімет берілді. Сондай-ақ құрал-жабдықтарды жаңарту, материалдық-техникалық базаны жақсарту, кәсіпорындардағы еңбекті қорғау мәселелері қарастырылды.
Мемлекет басшысы қауіпсіз жұмыс ортасын қамтамасыз етудің, халықаралық қауіпсіздік талаптарын сақтаудың және қызметкерлерді оқытудың аса маңызды екенін атап өтті. Қасым-Жомарт Тоқаев қазақстандық жұмысшыларға лайықты еңбекақы төленуге тиіс екенін айтты.
Сонымен қатар «АрселорМиттал Теміртау» компаниясының 2024 жылға қарай қалдықтарды 30 пайызға, ал 2030 жылға қарай 50 пайызға азайту, сондай-ақ осы стратегияны іске асыруға Қарағанды облысының жұртшылығын тарту үшін қабылдап жатқан шараларына ерекше назар аударылды.
Кері қайту Кері қайту
kaynak:https://akorda.kz/kz/memleket-basshysy-arselormittal-kompaniyasynyn-baskarma-toragasy-bas-atkarushy-direktory-lakshmi-mittalmen-kezdesu-otkizdi-2211316
Мемлекет басшысы «АрселорМиттал» компаниясының басқарма төрағасы – бас атқарушы директоры Лакшми Митталмен кездесу өткізді
Толығырақ: https://t.co/kZwD9IqDEU pic.twitter.com/noFIFVL9sw
— President Kassym-Jomart Tokayev's Press Office (@aqorda_press) February 22, 2022
